TROSSULI

TROSSULI

dicti sunt, qui alias Celeres, trecenti nempe iuvenes robustissimi, et e nobilissimis familiis delecti, qui Romulum, a quo instituti erant, eiusque Successores, hastati per urbem assectabantur, et iussi ministeria exsequebantur, in bello antesignani et protectores: Equites quidem, ubi campus esser ad equestre certamen accommodus; pedites vero in aspero loco et equis invio. Sed Equites plerumque, qui cum absque Peditum auxilio Trossulum oppidum Hetruriae expugnâssent, inde id nominis nacti sunt. Vide Plin. l. 33. c. 2. et in voce Trossulum. Iidem et Flaexumines dicti, a flectendis in equum gyris. Plin. loc. cit. Celeres sub Romulo Regibusque appellatisunt, deinde Flexumines, postea Trossuli. Sed Trossulorum nomen pro equitibus non diu post Gracchum mansisse idem addit. Iam enim tum pudebat multos isthôc nomine appellari, propter ambiguitatem vocis, quae olim quidem significabat, quod diximus; illô vero tempore etiam pro iuvene compto, comato, unguentato, nitide vestito, adeoque delicato et molli accipiebatur, a Graeco vocabulo τρυςςὸι, quod delicatum et mollitiae infamem notat. Senec. Ep. 76. Quid ergo? idem faciam, quod trossuli isti et iuvenes? alibique. Capitolinus vero vetus verbum usurpavit, in Commodo, ubi de huius in Equitum ordinem cooptatione, quae alias fiebat annô 18. Commodo vero 17. imo Marco Imperatori sexenni, contigit. Ita avem is, Cooptatus inter trossulos Princeps Iuventutis, ad quem locum vide Salmasii Notas. c. 2.